ALDI BATERAKO ERAKUSKETA

PRAKTIKA ARTISTIKOAREN PROZESUAK

11/06/2026 - 20/09/2026

ANA ALMARAZ MARGO ESTUDIOA

2026 ekainaren 11 – irailaren 20

Erakusketa honek adin eta maila desberdinetako ikasleen lanak biltzen ditu, ikasturtean zehar izandako ikaskuntza-prozesuen eta bilakaeraren erakusgarri. Azken emaitzaz harago, lan bakoitzak ibilbide pertsonal bat erakusten du, non teknika, intuizioa eta emozioa elkarrekin uztartzen diren.

Artea adierazpenerako eta zaintzarako gune gisa agertzen da hemen, sormenak emozioak esploratzeko eta bideratzeko bidea ematen duelarik. Estiloen aniztasunak balioan jartzen du ez dagoela sortzeko modu bakar bat, etengabeko eraldaketan dauden ahots anitzak baizik.

“Margotzearekin amesten dut, eta ondoren, nire ametsak margotzen ditut.”

— Vincent Van Gogh

ERAKUSKETA IRAUNKORRA

CIHMA • Luis Choya Almaraz erakusketa iraunkor bat du, goiko solairuan kokatua. Bertan Barakaldori buruzko gai ezberdinak lantzen dira (meatzaritza, industria, nekazal guneak…) panel, argazki eta piezen bitartez, hala nola, Burtzeñako monasterioko erreten zati bat (XV. mendea) edota Sefanitro fabrikaren maketa bat.

Diptikoa
Bideoa

Erakusketen historikoa